Library of Tibetan Works and Archives
ངག་རྒྱུན་ལོ་རྒྱུས་དེབ་ཕྲེང་གཉིས་པ་སྐུ་ཚེའི་ལོ་རྒྱུས་ཧྲག་བསྡུས་ཞེས་པ་འདིའི་ནང་། མགྲོན་གཉེར་ཆེན་མོ་ཕ་ལྷ་ཐུབ་བསྟན་འོད་ལྡན་མཆོག་གིས་བོད་ནང་དུས་འགྱུར་ཛ་དྲག་གི་གནས་སྟངས་སྐབས་རང་གཞུང་ཆེན་པོའི་ཐུགས་འགན་བཞེས་ཏེ་ཞི་དྲག་གི་ཕྱག་ལས་ཇི་གནང་སྐོར་དང་། རྒྱ་དམར་གྱིས་བོད་དུ་བཙན་འཛུལ་བྱས་རྗེས་༸གོང་ས་མཆོག་གི་སྐུ་ཕྱྭར་འགལ་རྐྱེན་བཟོས་པ་སོགས་ཉེན་ཚབས་ཇི་བྱུང་། བོད་མི་ཚོས་རྒྱ་མིར་ངོ་རྒོལ་སྐད་འབོད་རིམ་མཐུད་བྱས་སྐོར། ལྷོ་ཁར་བསྟན་སྲུང་དྭང་བླངས་དམག་གི་སྒྲིག་འཛུགས་བྱུང་སྟངས་དང་དམག་འཐབ་ཀྱི་བྱ་རིམ། སྲིད་ཚབ་གཉིས་བསྐོ་གཞག་དང་འབྲེལ་ཕྱག་ལས་ཇི་གནང་། ྋགོང་ས་སྐྱབས་མགོན་ཆེན་པོ་མཆོག་རྒྱ་གར་འཕགས་ཡུལ་དུ་གསང་སྟབས་ཀྱིས་ཆིབས་བསྒྱུར་གནང་དགོས་བྱུང་བ་སོགས་ཀྱི་ལོ་རྒྱུས་བཅས་གསལ་ཡོད།
