Library of Tibetan Works and Archives
ཕྲེང་རིང་ལྷ་ལྕམ་རིན་ཆེན་སྒྲོལ་མ་ལགས་ཀྱི་སྐུ་ཚེའི་ལོ་རྒྱུས་བོད་ཀྱི་བུ་མོ་ཞེས་པ་འདིའི་ནང་ཚ་རོང་མི་རྒྱུད་ཀྱི་བྱུང་བ་དང་། ཡབ་ཚ་རོང་དབང་ཕྱུག་རྒྱལ་པོ་དང་གཅེན་པོ་བསམ་གྲུབ་ཚེ་རིང་གཉིས་ལྐོག་ཇུས་བཤམས་ཏེ་བཀྲོངས་སྐོར། རང་ཉིད་བྱིས་དུས་ཀྱི་འཚོ་བ་དང་རྡོར་གླིང་སོགས་སུ་སློབ་སྦྱོང་ཇི་བྱས། སྔ་ཕྱིར་ཚ་རོང་གཟིམ་ཤག་དང་ཕྲེང་རིང་གཟིམ་ཤག་ཏུ་ལས་དོན་ཅི་གནང་སོགས་ཀྱི་སྐོར། ཚ་རོང་ཟླ་བཟང་དགྲ་འདུལ་དབུ་ཉེས་བྱུང་སྐོར་དང་། རྭ་སྒྲེང་རིན་པོ་ཆེ་འཛིན་བཟུང་སྐོར། དེ་བཞིན་སྔ་ཕྱིར་བོད་དུ་རྒྱ་མིའི་གནོན་ཤུགས་སྡིག་བསྐུལ་ལ་བོད་མི་ཚོས་ངོ་རྒོལ་དང་གདོང་ལེན་ཇི་བྱས་སོགས་ཀྱི་སྐོར། མཐར་བཙན་བྱོལ་དུ་ཕེབས་སྐོར་དང་མ་སུ་རི་བོད་ཁྱིམ་དབུ་འཛུགས་ཀྱིས་བོད་ཕྲུག་རྣམས་ལ་ཤེས་ཡོན་སློབ་གསོ་དང་སྤྱི་ཚོགས་བདེ་དོན་གྱི་ཞབས་ཞུ་ཇི་གནང་སོགས་ཀྱི་སྐོར་བཅས་གསལ་ཡོད།
