Library of Tibetan Works and Archives The Library of Tibetan Works and Archives is a Tibetan library in Dharamshala, India.
ཕྱི་ལོ་ ༢༠༢༢ ཟླ་ ༦ ཚེས་ ༢༨ ཉིན་སློབ་དཔོན་དགེ་འདུན་རབ་གསལ་ལགས་ནས་བོད་ཀྱི་དཔེ་མཛོད་ཁང་གི་ཚོགས་ཁང་དུ་ཧོར་གོང་མའི་ཕོ་བྲང་དུ་བོད་ཡིག་བསྟན་བཅོས་མཛད་པ་པོ་གསུམ་ཞེས་པའི་བརྗོད་གཞི་ཐོག་གསུང་བཤད་གནང་།
དགེ་འདུན་རབ་གསལ་ལགས་ནི་ཨ་རིའི་ཨིཎྜི་ཡ་ན་སློབ་གྲྭ་ཆེན་མོའི་བོད་ཀྱི་སྐད་ཡིག་དང་རྩོམ་རིག་གི་སློབ་དཔོན་བགྲེས་པ་ཞིག་རེད། ཁོང་གིས་ལོ་མང་རིང་བོད་ཀྱི་སྐད་དང་ཐ་སྙད་རིག་གནས་ཐོག་ཉམས་ཞིབ་གནང་སྟེ་བརྩམས་ཆོས་མི་ཉུང་བ་ཞིག་ཐོན་ཡོད། དེ་དག་གི་ཁྲོད་ནས་བོད་ཀྱི་དཔེ་མཛོད་ཁང་གིས་ ༢༠༡༧ ལོར་རིག་པའི་ཁྱེའུ་ཞེས་པ་དེ་དཔར་དུ་བསྐྲུན་ཡོད། གཞན་ཡང་འགྱུར་བརྒྱ་བརྒྱད་ཀྱི་ཁོངས་སུ་ཁོང་གིས་ལམ་ལ་ཞེས་པའི་སྒྲུང་རྩོམ་གྲགས་ཅན་དེབ་ཅིག་བོད་འགྱུར་གནང་ཡོད་པ་རེད།
