Library of Tibetan Works and Archives
ཕྱི་ལོ་ ༢༠༢༤ ཟླ་ ༧ ཚེས་ ༡༢ ཉིན་བོད་ཀྱི་དཔེ་མཛོད་ཁང་ནས་ཟླ་བ་ལྔའི་རིང་གི་བོད་ཀྱི་སྐད་ཡིག་དང་། ནང་ཆོས་བཅས་ཀྱི་སློབ་ཐུན་དང་པོའི་མཇུག་སྡོམ་མཛད་སྒོ་བྱས། མཛད་སྒོའི་ཐོག་སྐུ་མགྲོན་གཙོ་བོར་སློབ་གཉེར་ཁང་གི་ངེས་སྟོན་པ་དགེ་བཤེས་ལྷག་རྡོར་ལགས། དེ་བཞིན་དྲུང་ཆེ་དང་སྡེ་ཚན་ཁག་གི་འགན་འཛིན། དགེ་སློབ་བཅས་ལྷན་འཛོམས་༸གོང་ས་མཆོག་གི་སྐུ་པར་མཐོང་གྲོལ་རིན་པོ་ཆེ་བཞུགས་གསོལ་ཐོག གསོལ་འདེབས་སྨོན་ལམ་དང་། དེ་རྗེས་ངེས་སྟོན་པས་སློབ་མ་རྣམས་ནས་བོད་ཀྱི་སྐད་ཡིག་དང་ནང་ཆོས་སྦྱངས་ཡི་དེ་རང་གཞན་འཕྲལ་ཕུགས་ཀུན་ལ་གལ་འགངས་ཆེན་པོ་ཡིན་པ་ནན་བརྗོད་གནང་ནས་སློབ་མ་རྣམས་ལ་ཕྱག་འཁྱེར་དང་མཇལ་དར་བསྩལ། དེ་མཚམས་གསོལ་ཇ་དང་གུང་ཚིགས་བཅས་མཛད་སྒོ་རྒྱལ་ཁའི་ངང་གྲོལ།།
