གཙོ་ངོས། / གཏམ་བཤད། / སྒྲ་སྒྱུར་གྱི་རྣམ་གཞག་དང་ལོ་ཙཱ་བའི་བྱུང་རིམ།

སྒྲ་སྒྱུར་གྱི་རྣམ་གཞག་དང་ལོ་ཙཱ་བའི་བྱུང་རིམ།

དུས་ཡུན། ཕྱི་དྲོའི་ཆུ་ཚོད་ ༢།༡༠ ནས་ ༤།༣༠

ཚོགས་ཡུལ། བོད་ཀྱི་དཔེ་མཛོད་ཁང་གི་ཚོགས་ཁང་།

རྣམ་གྲྭ་ཐུབ་བསྟན་ཡར་འཕེལ་ལགས་ཀྱི་མི་ཚེའི་ལོ་རྒྱུས་སྙིང་བསྡུས།

རྣམ་གྲྭ་ཐུབ་བསྟན་ཡར་འཕེལ་ལགས་ནི་ཕྱི་ལོ་ ༡༩༧༣ ལོར་གཞིས་རྩེ་རྫོང་ཆུ་དབར་དུ་འཁྲུངས་ཤིང༌། རང་ཡུལ་དུ་དམའ་རིམ་གྱི་སློབ་གཉེར་ཅུང་ཟད་གནང་། ཕྱི་ལོ་ ༡༩༨༥ ལོར་ལྷ་ལྡན་ལྕགས་པོ་རི་བྲག་ལྷ་ཀླུ་སྒུག་དགོན་དུ་ཆོས་ཞུགས་ཀྱིས་ཆོ་ག་ཕྱག་ལེན་སོགས་ནང་དོན་རིག་པར་སློབ་གཉེར་གནང་། ཕྱི་ལོ་ ༡༩༨༩ ཟླ་ ༣ ཚེས་ ༥ ཉིན་ཞི་རྒོལ་གྱི་སྣེ་ཁྲིད་གནང་བས་ཕྱི་ལོ་ ༡༩༩༠ ལོར་བཙན་བྱོལ་དུ་ཕེབས་དགོས་བྱུང༌སྟེ་རྣམ་རྒྱལ་གྲྭ་ཚང་དུ་ཆོས་ཞུགས་ཀྱིས་ཕྱི་ལོ་ ༡༩༩༣ ལོར་སློབ་མཐར་ཕྱིན། ཕྱི་ལོ་ ༡༩༩༦ ནས་ ༡༩༩༨ བར་རྣམ་རྒྱལ་གྲྭ་ཚང་གི་དགེ་རྒན་གནང་། ཕྱི་ལོ་ ༡༩༩༨ ནས་ཕྱི་ལོ་ ༢༠༠༠ ལོའི་བར་ས་རཱ་མཐོ་སློབ་ཏུ་དགེ་འོས་སྦྱོང་བརྡར་གནང་། ཕྱི་ལོ་ ༢༠༠༡ ནས་ཕྱི་ལོ་ ༢༠༠༤ བར་ས་རཱ་མཐོ་སློབ་ཏུ་རིག་གནས་རབ་འབྱམས་པའི་སློབ་གཉེར་གནང་སྟེ་ཨང་དང་པོ་བླངས། ཕྱི་ལོ་ ༢༠༠༠ ནས་ཕྱི་ལོ་ ༢༠༠༩ བར་རྣམ་རྒྱལ་གྲྭ་ཚང་གི་བོད་དྲུང་དང༌། བོད་དགེ་གཅིག་ལྕོགས་གནང་། ཕྱི་ལོ་ ༢༠༠༥ ལོར་བོད་དུ་གཉེན་འཕྲད་ལ་བསྐྱོད་དེ་རྒྱའི་བཙོན་དུ་ཐེངས་གཉིས་ཚུད། ཕྱི་ལོ་ ༢༠༠༩ ནས་ཕྱི་ལོ་ ༢༠༡༠ བར་རྣམ་རྒྱལ་གྲྭ་ཚང་གི་བོད་དགེ་དང༌། དཔེ་མཛོད་འགན་འཛིན་གྱི་མཛད་འགན་དང༌། ཕྱི་ལོ་ ༢༠༡༡ ནས ༢༠༡༢ བར་རྣམ་རྒྱལ་གྲྭ་ཚང་གི་ལྷན་འཐུས་གཉེར་པ་དང་དྲུང་ཆེའི་ལས་མཛད་འགན་བཞེས། ཕྱི་ལོ་ ༡༩༩༠ ནས་ཕྱི་ལོ་ ༢༠༡༠ བར་མཚན་ཉིད་རིག་པར་སློབ་གཉེར་བྱས་ཏེ་མདོ་སྔགས་སློབ་ཐོན་གྱི་ཕྱག་ཁྱེར་ཐོབ། ཕྱི་ལོ་ ༢༠༡༣ ནས་ ༢༠༡༧ བར་༸གོང་ས་མཆོག་གི་གསུང་འབུམ་ཕྱོགས་སྒྲིག་ཁང་དུ་ཞབས་ཞུ་བསྒྲུབས། ཕྱི་ལོ་ ༢༠༠༢ ལོ་ནས་སུམ་རྟགས་དག་གསུམ་དང་། སྙན་ངག་མངོན་བརྗོད། རྒྱལ་རབས་ཆོས་འབྱུང་སོགས་དེབ་ཕྲེང་དགུ་ཙམ་འབྲི་རྩོམ་དང་ ༢༠༠༧ ནས་༸གོང་ས་མཆོག་གི་བཀའ་ཁྲིད་དང་བཀའ་སློབ་སོགས་དེབ་ཕྲེང་ ༣༠ ལྷག་ཙམ་ཡིག་འབེབས་ཕྱོགས་བསྒྲིགས་དང་། རྣམ་རྒྱལ་གྲྭ་ཚང་གི་མདོ་སྔགས་གཞུང་ཆེན་སློབ་དེབ་གྲངས་ ༡༨ ཙམ་རྩོམ་སྒྲིག་འགན་འཁུར་གནང་། གཞན་ཡང་༸རྒྱལ་མཆོག་སྐུ་ཕྲེང་རིམ་བྱོན་གྱི་གསུང་རྣམ་པོད་ ༨༠ ཐམ་པ་ཕྱོགས་སྒྲིག་ཞུས་ཤིང་། ད་ལྟ་པཎ་གྲུབ་བཅུ་བདུན་གྱི་གསུང་རྣམ་པོད་ ༧༠ ཙམ་གྱི་ཕྱོགས་སྒྲིག་པ་དང་། སྐུ་བཅར་རྣམ་རྒྱལ་གྲྭ་ཚང་གི་ཤེས་ཡོན་ལྷན་ཚོགས་ཀྱི་འགན་འཛིན་དང་། རྣམ་རྒྱལ་གྲྭ་ཚང་སློབ་གཉེར་ཁང་གི་སློབ་སྤྱི་བཅས་ཀྱི་ལས་ཁུར་ཞུ་མུས་ཀྱི་ལོ་རྒྱུས་མདོར་བསྡུས་སུ།

རྗེས་མ། སྔོན་མ།
རྗེས་མ། སྔོན་མ།

འདིར་ཡང་གཟིགས།

བོད་ཀྱི་དཔེ་མཛོད་ཁང་ནས་གསར་དུ་དཔར་སྐྲུན་བྱས་པའི་དཔེ་དེབ་ཁག

༈ གཤམ་གསལ་དཔེ་དེབ་དེ་དག་བོད་ཀྱི་དཔེ་མཛོད་ཁང་གི་དཔེ་ཚོང་ཁང་ནས་མངགས་ཉོ་ཐུབ་ཀྱི་ཡོད་པས་དེ་ལུགས་དགོངས་འཇག་འཚལ། 1. ཤོ་རྩེད་དང་ཤོ་བཤད། 2. དོན་དམ་པའི་ཆོས་ལུགས་མཛའ་འབྲེལ། 3. དབུས་གཙང་སྡེ་གཟར་དང་འབྲེལ་བའི་དོན་གནད་ཁག་གཅིག་ལ་བསྐྱར་ཞིབ། 4. སུམྦྷ་ཆོས་འབྱུང། 5. An Early History of …